Abbas ki wafa

Taqat hussain ki, ita'at hussain ki..(2) abbas ki wafa hai, ita'at hussain ki..(2) jo karbala mein bangayi taqat hussain ki abbas ki wafa hai, ita'at hussain ki 1. Dushman pe ek rob tha abbas e jari ka..(2) ye hausla yaqeen tha jurrat hussain ki jo karbala... 2. Ehle kisa ki paak rida ka tha aasra..(2) abbas karbala mein tha himmat hussain ki jo karbala.. 3. Ye fauj e ashkiya'n mein thi har lab pe guftugu..(2) shere khuda ka laal hai quwat hussain ki jo karbala... 4. Zainab thi mutma'in ke abhi khaimagaah mein..(2) ghaazi ke dum se hai bachi ismat hussain ki jo karbala... 5. Naqsha palat hi deta wo maidan e jung ka..(2) abbas ko jo milti ijazat hussain ki jo karbala... 6. Abbas ka tha pehra khayam e hussain par..(2) ghazi ki wafadari hai khidmat hussain ki jo karbala... 7. Sar ko jhukaye khaimaye shabbir pe khada..(2) ghazi sajake dilme mawaddat hussain ki jo karbala... 8. Shaane katake so gaya nehre furat pe..(2) dil se nibha gaya hai wo ulfat hussain ki jo karbala... 9. Baad az shahadat e sakhi abbas e alamdar..(2) paani ko tarasti rahi itrat hussain ki jo karbala... 10. Aisi kari wafa ke nahi mil saki misaal..(2) ab bhi badha rahi hai jo azmat hussain ki jo karbala... 11. Tareekh mein raqam ye ali deep rahega..(2) ghaazi ne jis tarah kari nusrat hussain ki jo karbala...