Noha Tha Hasan Husain Ka

Noha tha hasan husain ka Hay ham yateem Ho gaye Sar se saaya Baap ka Utha Haye Hum Yateem Ho gaye 1) Gham ki is Ghadi mein baba jaan Waqt le raha hai Imtehan Jism se nikal rahi hai jaan Dar hai gir na jaaye aasman Kaash aati hamko bhi qaza 2) Hale Dil kise Sunaye hum Mil rahe hai Gham bhi dambadam Ho rahe hai kisliye sitam Puchte ham se bhi haram Kya batayen ham sabab hai kya 3) Khatam Aapka hua Safar Le gaye ho saath zakhm e sar Phat rahe hai dekh kar jigar Hogaya Kafan bhi khoon se tar Beh raha hai khoon aapka 4) Dar hai Aise Haal mein kahin Dekhle na Zainab e hazeen Hill rahi hai der se zameen Aapke bina sukoon nahi Padh rahe hai sab ye marsiya 5) Maa ke baad sar pe aapke Jee rahe the ham sukoon se Baba is bhare jahan mein Ham pe ye sitam kisliye Ham se aisi kya hui khata 6) Dhak gaya hai din hui hai shaam Ab hai Zindagi Ghamon Ke naam Zulm ne kiya Kahata Qalaam Lelo baba Aakhiri Salaam Ya Aliyo Wa musibata 7) Ro raha hai aaj Sara ghar Jaane kis ki lag gayi nazar Baba aapko to hai khabar Khoon mein sabhi ha tar batar Har koi hai gham mein mubtela 8) Kese leke jaayen Qabr tak Hai zameen pe aaj sab malak Dekhne ki aapki jhalak Jhuk Gaya aye baba jaan Falak Band hai Har ek Raasta 9) Aye kareem baap ke kareem Aye Raheem bhai ke Raheem Kya batayen Paikar e azeem Ham Hi ek nahi hue Yateem Aaj Jane kitno ne kaha Hay ham yateem Ho gaye Noha tha hasan husain ka Hay ham yateem Ho gaye