Akbar Na Jaao Tum

Sughra Tadap Ke Kehti Thi Akbar Na Jaao Tum. Khwahar Ki Aarzu Hai Biradar Na Jaao Tum. 1) Beemaar Hu Mai Aur Hai Tanhaaio'n Ka Gham. Veeraan Ho Raha Hai Bhara Ghar Na Jaao Tum. 2) Asghar Ko Apni God Ae Karti Nahi Juda. Bas Ro Ke Keh Rahi Hai Guletar Na Jaao Tum. 3) Baaba Ka Haath Choom Ke Kehti Hai Baar Baar. Kumbe Ko Apne Saath Yu Lekar Na Jaao Tum. 4) Nanhi Bahan Sakeena Meri Laadli Ho Tum Munh Muj Se Apna Mod Ke Khwahar Na Jaao Tum. 5) Kuchh To Khayaal Apni Bhateeji Ka Kijie. Mar Jaaungi Mai Ammu Ghazanfar Na Jaao Tum. 6) Chha Jaaeygi Udaasi Mazaare Rasool Par. Yu'n Chhood Kar Ke Qabre Payambar Na Jaao Tum. 7) Rokar Phuphi Se Kehti Hai Sughra Ba Chashme-Nam Mujko Rulake Zainabe Muztar Na Jaao Tum. 8) Navshad Ayk Hashr Sa Hangaam Tha Bapa. Sughra Jo Sab Se Kehti Thi Rokar Na Jaao Tum.