Peet Kar Seena Ye bole

Haaye...... Ran se awaaz-e-Alamdar jo khaime mein gayi Sunkay Ghazi ki sada nikle Hussain Ibn-e-Ali Lab pe Shabbir ke jaari the faqat bain yahi Gham mein Abbas tumhaare yeh kamar toot gayi Kaisi ghurbat hai ke nazron ne meri kya dekha Nahar par bikhra hua bhai ka laasha dekha Peet kar seena yeh bole Shahe Wala Abbas Chhod kar jao na mujhko mere bhaiya Abbas Peet kar seena yeh bole Shahe Wala Abbas Haye Abbas..... Tum na hoge to Alamdar bulaunga kise Haal-e-dil apna mere bhai sunaoonga kise Dega ab kaun bhala mujhko sahara Abbas Kha na jaaye humein Abbas judaai yeh teri Chaar soo humko nazar aate hain ae bhai shaqi Aur dete hain yeh tanhaayi ka Taana Abbas Haye Abbas.... Jab nazar mashk o alam par gayi mehsoos hua Haath seene pe rakha aur mere dil ne kaha Aapke saath hi Rehti hai Sakina Abbas Ya Babe Hawaej...... Har azaadar ki hai itni Guzarish Maula Poori ho jaaye faqat dil ki yeh Khwahish Maula Dekh lein nazron se bas aapka Rauza Abbas Haye Abbas.... Dono shaane hain qalam, aankh mein piywast hai teer Kis ne haalat yeh kiya, poochh rahe hain Shabbir Gurz sar par yeh bhala kis ne hai Maara Abbas Haye Abbas..... Maa teri maut ki jis waqt khabar paayegi Aisa lagta hai ke woh jeete ji mar jaayegi Kaise le jaaun tera khaime mein laasha Abbas Haye Abbas.... Baade Abbas ke Jab zulm sahegi Zainab Karke rukh jaanib-e-dariya yeh kahegi Zainab Lautne aaye hain chadar meri adaada Abbas Ya Babe Hawaej...... Ashk barsaao Alamdar ke gham mein Haidar Sar ko peeto Ae Hasan khaak udaao keh kar Kijiye mera bhi maqbool yeh pursa Abbas Peet Kar Seena Ye Bole Shah E Wala Abbas Haaye Abbas....