Khanjar bohut qareeb hai amma

Amma....... Meri amma..... Meri amma..... Khanjar bohut qareeb hai amma....(2) Muh apna pher lijiye nana ka waasta. Khanjar bohut qareeb hai amma....(2) Dekhogi kistarha se mere qalt ka samaa'n Mere liye chalai hai raato'n ko chakkiya Hargiz ye zulm aapse dekha na jaega.. Khanjar bohut qareeb hai amma....(2) Bachpan me mujhko pyaas jo karti thi bekarar Paani mujhe pilati thi uth uth ke baarbaar Aur aaj kitne roz se sukha hai ye gala. Khanjar bohut qareeb hai amma....(2) Bas itna soch soch ke dil ko nahi hai chaen Khud apne zukhm bhul chuka hai tera husain Kaatega shimr aapki goudi me sar mera Khanjar bohut qareeb hai amma....(2) Baarish se pathharo ki bohut khastatan hu mai Sab jaante hai mujhko ghareebul watan hu mai. Phir bhi paraye des me mujhpar sitam hua.. Khanjar bohut qareeb hai amma....(2) Hai jism mera teer e sina ke hisaar mei Baithi hai meri bachhi mere intezar mei Be aas hona uske muqaddar me hai likha.. Khanjar bohut qareeb hai amma....(2) Jab mujhko dhundti hui ayegi wo yaha Amma batao usko sulaunga mai kaha Hai jism mera teer e sitam se bhara hua.. Khanjar bohut qareeb hai amma....(2) Jeene ki dilme koi bhi hasrat nahi rahi Akbar juda huve meri duniya ujad gai. Baadal me barchhiyo ke mera chaand khogaya.. Khanjar bohut qareeb hai amma....(2) Abbas aur qasim o akbar ki shakl mei. Aun o mohammad o ali asgar ki shakl mei Mai qatl kitni bar hua dekhlo zara.. Khanjar bohut qareeb hai amma....(2) Puchho na kistarah se bani qabr e sheerkhaar Ghurbat pe meri ashq bahati thi zulfiqar Meri hi goud mei mera besheer margaya.. Khanjar bohut qareeb hai amma....(2) Qaatil ka zulm dekhke ghabrai maa "SAEED" Haye husain kehke jo chillai maa Saeed Kistarha bhulpaega "IMRAN" wo sadaa Khanjar bohut qareeb hai amma....(2)