Hussain Hogaye Tanha

Hussain Hogaye Tanha ajeeb ghurbat hai Koi bacha Nahi apnaa ajeeb ghurbat hai 1- Jigar pa bojh hai abbas ki judaei ka Uthayen Kis tarah Sadma geraa,n hai Bhai ka Kamar hui hai khamidaa ajeeb ghurbat hai 2- Hai kaun Jo Shah e Mazloom ko dilasa de Zaeif baap ko badh Kar koi Sahara de Jawa,n pesar Ka hai Lashaa ajeeb ghurbat hai 3- Gham e feraaq ne dill Ka suroor cheen liya Jawa,n ki maut ne aakhon Ka Noor cheen liya Dikhai Kuch Nahi detaa ajeeb ghurbat hai 4- Shaheed ho Gaye Zainab ke phool se bachche Sitam ne Kar diye qasim ki laash ke tukde Jigar hai dard se phat,taa ajeeb ghurbat hai 5- Abhi to zulm ne manzar ajab dikhaya hai Sawal e aab pa asghar ko teer maraa hai Tadap ke rah Gaye maula ajeeb ghurbat hai 6- Nazar uthaa ke Jo sooy e khayaam dekhte hain Ajeeb dard Ka manzar imaam dekhte hain Karen to kya shah e walaa ajeeb ghurbat hai 7- Hai Kaisa dard Ka aalam Mubashshir o Rizwan Haram se hone ko rukhsat hain ab Shah e Zishaan Bapaa hai naala o girya ajeeb ghurbat hai