Marhaba Mola Hussain(a.s.)

Khanjaro Ki Chaaw Me Jab Kar Chuke Sajda Husain Arsh Se Aawaaz Aai Shukriya Tera Husain Marhaba Moula Husain (4) 1) Saj Gye Hain Chaaro Janib Taziya Mashko Alam, Uth Rahe Hain Bar Sare Farshe Aza Sab Ke Qadam, Ahle Dil Karte Rahenge Zindagi Bhar Ya Husain.. 2) Gumbde Khizra Se Gunji Ye Sada E Mustafa, Aaj Mere Deen Ka Armaan Pura Ho Gya, Karbala Me Jab Nibhaane Aagye Wada Husain.. 3) Nana Ki Ummat Ki Khatir Kaam Ye Bhi Kar Diya, Aapne Khoone Ali Asgar Jo Muh Pe Mal Liya, Sabre Ayyoobi Bhi Takta Reh Gya Chehra Husain.. 4) Kon Hai Jo Teero Ki Barsaat Me Sajda Kare, Kon Hai Jo Sar Kata Kar Naize Pe Kur,Aa Padhe, Dehr Me Koi Nahi Hai Aap Ke Jaisa Husain.. 5) Sajd-E-Mabood Me Sar Ko Jukane Ke Liye, Karbala Ki Khaak Ko Sona Banane Ke Liye, Kafi Hai Tere Lahu Ka Ak Hi Qatra Husain.. 6) Aadmiyat Ke Dimaago Dil Me Aisa Bas Gya, Keh Rahi Hai Saari Duniya Tujko Apna Rehnuma, Ho Raha Hai 14 Sadiyo Se Tera Charcha Husain.. 7) So Gya Bazu Kata Kar Gazi Jaisa Sayeban, Kha Ke Naiza Dehr Se Rukhsat Huwa Kadiyal Jawan, Ho Gye Karbobala Ke Dasht Me Tanha Husain.. 8) Laakh Dhaaye Dushmane Ahle Aza Ham Par Sitam, Rakhna Hai Binte Paymbar Ki Duwao Ka Bharam, Qazimo Rizwan Chodenge N Gam Tera Husain..