Beta Abbas (Wasiyat E Mola Ali As)

Zaqmi jab masjid e kufa se ali aaye Ghar Roke farmane Lage hai Mera abbas kidhar Di sada ai mere Sani mere mazloom pisar Aake ab baap ki tum sunlo wasiyat dilbar Hai wasiyat ye meri tum se ai beta abbas Dhyan ab zainab o kulsoom ka rakhna abbas 1) Sar se bacho ke utha jab se hai maa ka saya Mai ne bacho ko bade nazon se pala beta Tum mere baad ho is Ghar ka sahara abbas Hai wasiyat ye meri tum .... 2) Yad Amma ki unhen aane na paye dilbar Samne zainab o kulsoom ke mumkin ho agar Baat maa se bhi kabhi Hans ke na karna abbas Hai wasiyat ye meri tum... 3) Gulshan e fatema zehra ki Kali hai zainab Saaye me ismat o iffat ke Pali hai zainab Aanch parde pa kabhi aane na Dena abbas Hai wasiyat ye meri tum... 4) Mere qatil ko pakard kar koi le aaye agar Sabr karlena magar, tegh uthana na pisar Karbala ke lye Mai ne tumhe maanga abbas Hai wasiyat ye meri tum... 5) Pani raton ko pilati thi usey maa zehra Pyasa shabbir ko tum rehne na dena beta Kaam saqqai ka in hathon se lena abbas Hai wasiyat ye meri tum... 6) Saans ruk ruk ke meri chalne lagi hai beta Aisa lagta hai ye ruqsat ki ghadi hai beta Rakhna is Ghar ka qayal Aaj se beta abbas Hai wasiyat ye meri tum... 7) Betiyon ko mere Jane se bahut hoga malal Jab uthe mera janaza to rahe itna qayal Sar se zainab ke Rida sarke na beta abbas Hai wasiyat ye meri tum... 8) De ke abbas ke hathon pa wo dast e sarwar Chal base Ghazi se haidar yahi Arham keh kar Sheh ko hargiz na kabhi chordna tanha abbas Hai wasiyat ye meri tum se ai beta abbas