Hai waqt e sahar khoon mein tar waris e qur'aan

Ya ali maula ali, maula ali..(2) Hai waqt e sahar khoon mein tar waris e qur'aan..(3) roti hai azaa'n masjid e kufa bhi hai giryaa 1. Lo aaj se aghaaz hua karbobala ka Makhduma e kaunain ka jaari huwa girya marqad mein Mohammad bhi nazar aaye pareshaa'n 2. Kya zeher mein doobi hui shamsheer chali hai lo zakhmi huwa sajdey mein damaad e nabi hai duniya se chala dekhiye kaabe ka nigehbaa'n 3. Jibreel e amee'n khaak udaate huwe aaye Adam bhi yehi nauha sunate huwe aaye kis ko dam e mushkil mein pukarega musalmaa'n 4. Tu ne bine muljim(l.a.) ye sitam kaisa hai dhaya sajde mein namazi ka lahu kyu hai bahaya Abbas ko bachpan mein kiya chaak girebaa'n 5. Kaabe ki faseelo'n pe udaasi ki rida hai aur qibla e awwal mein bhi kohraam bapa hai sar khuld mein huraan e jinaa ne kiya uryaa'n 6. Hasnain ke sar par hai yateemi ka andhera rukhsat huwa suraj ki nigaho'n se sawera zam zam mein talatum hai to kausar mein hai tufaa'n 7. Rehan hai rizwan e jinaa chaak girebaa'n hai baagh e iram, baagh e fidak ki tarha giryaa hasnain(a.s.) ka baba hai zara der ka mehmaa'n