Aye Behan Ab Me Suye Maqtal Chala

Waqte rukhsat sheh ne zainab se kaha Aye bahen ab mai suye maqtal chala... Aaj se tum ho gayi be aasra Aye bahen ab mai suye maqtal chala.... (1) Meri furkat me bahut hogi nidhaal Aye bahen rakhna sakina ka khayal ... Khayegi rukh par tamancha shimr ka Aye bahen ab mai............... (2) Kufiyon ka haye ye zainab wasool Dekhte honge mere nana rasool Kaise mehman par hui joro jafa Aye bahen ab mai.......... (3) So gaye maidan me mere noore ayn Ho gaya lachaar kitna ye hussain Moniso yawar na koi reh gaya Aye bahen ab mai........... (4) Jaanti ho q ye kohna pairahan Chaak karke maine pahena hai bahen Reh na jaye bekafan lasha mera Aye bahen ab mai............ (5) Bazowon me bandhi jayegi rasan Baad mere berida hogi bahen Hai meri nazron me manzar shaam ka Aye bahen ab mai............. (6) Laye akbar ki kabhi asghar ki laash Tukde tukde qasime muztar ki laash Gham pe gham iss dasht me sehta raha Aye bahen ab mai............. (7) Wada tifli ka nibhana hai mujhe Jad ki ummat bakhshwana hai mujhe Kund e khanjar se katega sar mera Aye bahen ab mai........ (8) Itni quwat hai bhala mujhme kahan Jo likhe meyaar saari daastaan Itna hi kaafi hai gham ka waqeya Aye bahen ab mai........... Waqte rukhsta sheh ne zainab se kaha Aye bahen ab mai suye maqtal chala . . . . . . . . . . . . . . . . . . . . . . . . .