Run ko jaatay howay sir jhukayey howay

Run ko jaatay howay sir jhukayey howay, Sheh nay rokar kaha Alvida Alvida Aaya waqt-e-safar aye behen aaj hum, horahay hain juda Alvida Alvida 1)  Shah badh kar behen kay galay lag gayey, Aur dukhiya behen say yeh kehnay lagay, say yeh kehnay lagay Meri mazloom pyaasi musafir behen (x2) tera haafiz khuda Alvida Alvida 2)  Jis say dartee thee tum woh ghari aagayee, Dekho chaaro taraf teergee chah gayee, teergee chah gayee Dasht-e-purhaul main shaam honay ko hai (x2) lo musafir chala Alvida Alvida 3)  Lay kay baali Sakina ko aaghosh main, Nanhay nanhay say haatho kay bosay liye, ro kay bosay liye Sheh nay hasrat say beti ko taktay howay (x2) aaha bhar kar kaha Alvida Alvida 4)  Bola beemar bete say aaqa mera, Ab na ayeyga aye, beta baba tera, beta baba tera Maut ki aahatain taiz honay lagee (x2) aarahee hai sada Alvida Alvida 5)  Aya khaimay say bahar jo maula mera, Bhai beta bhateeja koi bhi na tha, haye koi bhi na tha Aik hasrat say chaaro taraf dekh kar (x2) sheh nay khud he kaha Alvida Alvida 6)  Jab tadap kar kaha meray sheron uthoo, Aao Zainab kay bhai koi rukhsat karo, aao rukhsat karo Aik Aik laash-e-bay sar say aayee sada (x2 ) ayiye Shah-e-Karbala Alvida Alvida 7)  Aisa matam karo aisa matam karo, Pak bibi kahay marhaba marhaba, marhaba marhaba Khoon ugaltay howay aik aik (x2 ) zakham say aaj aayi sada Alvida Alvida