Eid e zainab koi zainab se zara puche to

Eid e ZAINAB koi ZAINAB se Zara puche to Kyu'n hai Wo Eid pe bhi mehwe Aza puche to Kyu'n Nahi'n AALE MUHAMMAD ke gharo'n me'n khushiyan Kya sabab hai ye koi jaake bhala puche to Eid e Ramazan e Mubarak ho Ya Eid e Qurba'n Majlis e Gham kyu'n hai ghar Inke Bapa puche to Loot kar Eid ki har ek Khushi Kufe me'n, Kaisi Ummat ne Nibhaayi hai Wafa puchhe to Kya diya Ajr RISALAT ka Musalmaano’n ne AALE AHMAD ko Bajuz Zulm o Jafa puchhe to... Ha'n Usi Subh ko jo Banke qayamat aayi, Kiska sar Sajde me'n do neem hua puchhe to Phe'nk kar Daarul Imaara se ba Roz e Arafah Kis ke Laashe ko Ghasita tha gaya puchche to Kyu'n hai SAJJAD ki Aankho'n se Rawa'n Khoon e Jigar Kaun sa zakhm abhi tak na bhara  puchche to Jis Gharaane se thi Eidain ki Zinat Aakhir, Kyu'n hai Ghar Aaj Wohi Nauhakuna puchhe to Kabhi BABA to BARADAR ko kabhi Roti hai Uski har Eid hai kyu'n Karb o bala puchhe to Unke Haq me'n jo Sada karta raha Haq se Dua Kyu'n kar Ummat ne Usey Zibh kiya puchhe to Waqt har zakhm ko bhar de ye zaruri to Nahi'n Kaisa ye Huzn hai ye Dard Hai Kya puchhe to Khoon e Dil Aankho'n se Ro Ro ke  Wila aur Shabih Aaj MAHDI bhi hai'n kyu'n Mehwe Buka puchhe to...