Dil karbala mein reh gaya

Hussain... hussain.... hussain Kya puchte ho ehle azaa Haye kya karu bayaa'n Mai zakir e hussain hu Aur ek nauha khwaa'n Aaya hu karbala se basad ranj aur fughaa'n Koi kare sawaal ye aansu hai kyu rawaa'n Dil karbala mein reh gaya Mai aagaya yaha'n Yeh dil bina hussain ke..(2) Aaye sukoo kaha'n Dil karbala mein reh gaya Mai aagaya yaha'n 1. Naam e hussain kafi tha rone ke waaste Ek ek qadam rulati hai yu karbala mujhe Pehle mai khaimagaah e hussaini pe ruk gaya..(2) Yaad aagaya ke ek bahan yaa thi nauha khaa'n Ghurbat mein qatl hogaya mazloom be watan Mai bhai bhai kehti thi laasha bahan bahan Mai bhai bhao kehti thi laasha bahan bahan..(2) Dil karbala mein reh gaya Mai aagaya yaha'n 2. Nikla mai uske baad khayam e hussain se Aasar thodi door the qatl e yadain ke Dekha muqam e baazu bureeda mai ro diya..(2) Kaise pukara hoga wafao ka aasma'n Mere haath nahi hai, mere haath nahi hai..(2) Dil karbala mein reh gaya Mai aagaya yaha'n 3. Nazdeek tha maqam e ali akbar e jawa'n Girya kuna thi sehra liye kal bhi bibiya'n Aawaz ek fizao'n mein dil ko hilati thi..(2) Baba mile to kehna ke kehta tha ek jawa'n Hai jaan ab labo'n par barchhi na khechna Bole pidar se akbar barchi na khechna Dil karbala mein reh gaya Mai aagaya yaha'n 4. Gehwara ek choti imarat mein tha rakha Gehware mein shaluka tha ek khoon mein bhara Gehwara choom choom ke de de ke loriya'n Lagta tha keh rahi ho hussain o hasan ki maa Maa qurbaan asgar jaan aajao Dil karbala mein reh gaya Mai aagaya yaha'n 5. Han wo muqaam jo ke zamee'n se buland tha Beti ali o zehra ki pohchi basad buka Dekhi jo chalte gardan e shabbir par churi..(2) Zainab pukari baba ghazab hogaya yaha'n Zainab lipat ke baap se deti rahi sadaa Sattar (70 ) qadam ka faasla bhai bahan mein tha..(2) Dil karbala mein reh gaya Mai aagaya yaha'n 6. Jannat nisha hai aaj bhi roza hussain ka Maqsood e kayenaat hai baba hussain ka Itne ameer baap ke bete ne kyu kaha..(2) Faryaad kar rhi ho jo sukhi hui zubaa'n Amma ghareeb hu mai, amma ghareeb hu mai..(2) Dil karbala mein reh gaya Mai aagaya yaha'n 7. Manzar bada ajeeb tha rehan aur raza Maqtal ki simt jaane lage shah e karbala Aur neend se sakina ke chehre pe warm tha..(2) Godi mein leke sheh ne kaha ab na ho fughaa'n Meri sakina ko neend aa rhi hai..(2)