Acha baba sulane to aaoge na

Kar raha hai yeh rawi baya'n Karbala, Usne aashoor ki shab Ka manzar Likha, Seena e Shah pa binte Shah e Huda, aur shabbir kehte the yeh barha, Ham ko jana hai kal karne wada wafa, tum pe aajae ga sabr ka marhala, bat saari sakina ne sheh ki suni, aur jawaban wo bas itna kehti rahi, (Acha Baba sulane te aaoge na, roz chehra dikhane to aaoge na)..(2) 1. Bole shabbir aye meri noor e nazar tumko karna hai ab shaam tak ka safar tumko qaidi banaenge ab ehle sharr boli shehzadi mujhko nahi koi darr tum kaho tum sulane to aaoge na roz chehra dikhane to aaoge na (Acha Baba sulane te aaoge na, roz chehra dikhane to aaoge na)..(2) 2. Shaah kehne lage aye meri laadli tumpe aayegi ab shaam e ghum ki ghadi aag daman mein hogi tumhare lagi boli wo fikr mujhko nahi hai koi mera daman bujhane to aaoge na roz chehra dikhane to aaoge na (Acha Baba sulane te aaoge na, roz chehra dikhane to aaoge na)..(2) 3. Muztarib dil se kehne lage shah e dee'n teri qismat mein beti sukoo'n ab nahi ab tamache lagaega shimr e laee'n sunke ye baat kehne lagi wo hazee'n shimr se tum bachane to aaoge na roz chehra dikhane to aaoge na (Acha Baba sulane te aaoge na, roz chehra dikhane to aaoge na)..(2) 4. Phir kiya sheh ne beti se kuch yu sukhan sab haram honge ab to aseer e mahan ter haatho'n mein bhi ab bandhegi rasan boli ye baat sunke wo tashnadahan tum gale se lagane to aaoge na roz chehra dikhane to aaoge na (Acha Baba sulane te aaoge na, roz chehra dikhane to aaoge na)..(2) 5. Roke shabbir ne uske bose liye bole rukhsar bhi honge zakhmi tere tere rone ke shehzadi din aagaye boli tum kaise dekhoge rote hue haan mujhe chup karane to aaoge na roz chehra dikhane to aaoge na (Acha Baba sulane te aaoge na, roz chehra dikhane to aaoge na)..(2) 6. Badhti jati thi bechaini shabbir ki har sitam wo uthane pe raazi hui zinda baba na hoge samajh naa saki sunke sab mushkilein bas ye kehti rahi gar mai ruthi manane to aaoge na roz chehra dikhane to aaoge na (Acha Baba sulane te aaoge na, roz chehra dikhane to aaoge na)..(2) 7. Likhke salman dil phat raha hai mera zayn jab shahe wala ne rokar kaha ab to zindaan marqad banega tera beti sabir ki thi boli wo sabera mera lasha uthane to aaoge na roz chehra dikhane to aaoge na (Acha Baba sulane te aaoge na, roz chehra dikhane to aaoge na)..(2)