Fatema Zahra Ko Khun Rulaya Gaya

Ali Ka Masjide Kufa Men Khun Bahaya Gaya, Lahed Men Fatema Zahra Ko Khun Rulaya Gaya.. 1) Abhi Na Bhole The Ham Toti Pasliyon Ka Wo Gham, Ai Nana Fir Se Naya Zulm Ham Pe Dhaya Gaya.. 2) Amama Khoon Se Tar Hai Laho Nahin Rukta, Pedar Ko Sar Pe Mere Zakhm Yun Lagaya Gaya.. 3) Ajeeb Haal Hai Ghash Se Zamin Pe Girti Thi, Pedar Ki Laash Se Zainab Ko Jab Hataya Gaya.. 4) Nazar Thi Chadare Zainab Pe Ashk Ankhon Men, Qareeb Hazrate Ghazi Ko Jab Bulaya Gaya.. 5) Tha Ek Hashr Bapa Murtuza Shaheed Huye, Payame Gham Ye Muhibbon Ko Jab Sunaya Gaya.. 6) Hasan Husain Ki Ankhon Men Ek Andhera Tha, Pedar Ka Chehra Jo Zere Kafan Dikhaya Gaya.. 7) Sar Apna Peet Ke Hasnain Jaan Khone Lage, Jo Ghar Se Baap Ki Maiyat Ko Hai Uthaya Gaya.. 8) Janaza Ghar Se Nikalta Ho Jaise Ai Rizwan, Khoda Ke Ghar Se Ali Ko Kuch Aise Laya Gaya..